愛美神飛彈也不是百發百中，擁有驕人上圍的黎姿卻沒有標準模特兒的身高，前晚她往灣仔為07秋冬時裝節行騷時，在眾模特兒群中矮了一截，可幸她穿上6吋高跟鞋彌補先天不足，加上fans送花送利是，她仍是時裝騷上最搶眼的人。
黎姿前晚以Moiselle代言人身份，往灣仔會展為香港時裝節秋冬2007擔任嘉賓模特兒行騷，置身於高䠷模特兒群中，身高5呎5吋的黎姿坦言有少許壓力，因為即使穿6吋高跟鞋也不夠6呎模特兒高。
事後黎姿的一名師奶fans向她送上花及利是，令她驚喜萬分，她說：「我真係唔想啲fans破費，以往收過fans送嘅銀紙牌、限量手袋、銀包，仲有鑽石戒指同耳環，最大封利是就有幾千蚊，試過有次同B哥哥（鍾鎮濤）登台，由上台收利是收到落台。」
收厚禮不勞而獲
問黎姿fans送這麼貴重的禮物，會否怕有附帶條件？她說：「連邊個送都唔知，點會有附帶條件呀？」是否怕收到fans送的變態物品？她說：「唔會啩，我啲fans多數係結咗婚、OL或者大學生。」
前晚見黎姿左胸位置有清晰可見的膠水迹，她說：「係大前日出席TVB劇集《珠光寶氣》着件超低胸Valentino晚裝，防走光黐膠水嘅迹。」問她為何前晚行騷不及當日出席新劇活動時性感？她說：「我冇得揀㗎，係公司同大會安排嘅。」
羅霖教仔學方言
此外，周汶錡及羅霖母子前晚也是時裝騷的座上客，偕同長子睇騷的羅霖，透露農曆新年會舉家出外旅遊，她說：「今次第一次帶埋最細個仔去，佢啱啱一歲，都唔可以出門太耐，如果唔係奶粉都要帶好多。」
羅霖指幼子現時懂叫爺爺、爸爸，惟獨未懂叫媽媽，羅霖說：「我希望個仔識講多種方言，等佢大啲我會教佢講上海話，老公就教佢講潮州話。」
採訪：RitaLeung
攝影：ChanShunChing
