鄧萃雯和謝天華等昨日到將軍澳電視廣播城錄影《問題娛樂圈》，雯女大受現場觀眾熱烈歡迎，她更「如妃」上身，拜謝現場觀眾。雯女透露參加遊戲節目是受命於媽媽，她說：「有日佢問我阿苗（苗僑偉）有冇請我食飯，佢話阿苗玩呢個節目贏咗8萬蚊，佢就係咁問我做乜嘢唔參加，不停咁游說我。」
否認爛蒲
雯女最近被拍到夜蒲同志吧，問她怕不怕在節目上被人取笑，她說：「唔驚，都預咗，嗰啲又冇乜嘢唔見得光，我都係一年一次，話我成日去蒲，都唔係事實。」
謝天華第一次擔正的新劇《爛賭義當老婆》（暫名），被安排在農曆新年播出，以往在農曆年播出的劇集，收視都會麻麻，他說：「冇得驚，我嘅心願係留住班觀眾啦！」
採訪、攝影：楊潔雯