關詠荷離開無綫六年，結婚生女後，終於復出拍劇，參演即將開拍、頂替《高朋滿座》的處境劇《嫲辣甜孫》，其他演員包括湯盈盈、石修及金燕玲等，昨日眾藝人在高層曾勵珍率領下齊集將軍澳電視廣播城試造型。
產後收身成功的關詠荷首度復出，今次回巢拍劇更獲老公張家輝支持，她說：「佢話我遲鈍咗，我都想做吓嘢，初時都唔捨得個女，拍處境劇會好啲，留喺香港之餘又唔使成日捱更抵夜，可以有多啲時間見個女。我都好耐冇同大家見面，感覺好似新人。」
盈盈攬老外
此外，劇中有一名外籍男士參與演出，與湯盈盈飾演夫妻，昨日她甫見到「老公」時即摟着對方合照，非常親熱。盈盈謂對方的中文水平比自己還好，令她大感慚愧，她說：「佢識睇、講、寫，今次真係要靠老公幫忙繙譯劇本。」她續稱在劇中飾演督察，奉命不准賣弄風騷，故她正考慮剪短頭髮配合角色。
採訪：卓寶花
攝影：陳慧安
