被指踢走關秀媚而成為導演王晶新寵的陳煒，日前被本報拍到她背着王晶拖新歡逛女人街，未知一心捧愛將成為晶女郎的王晶可有被剃眼眉之感，前晚他在首映禮上澄清與陳煒只是工作關係，更揚言會力捧內地女星，莫非他對香港女星已經死心？
由王晶執導，郭晉安、楊思琦、元秋等主演電影《雀聖3自摸三百番》前晚在尖沙嘴舉行首映，大會安排眾演員玩鬥快估食糊，結果由元秋勝出。
僅屬同一公司
繼上一任晶女郎關秀媚被本報拍得與暗星李尚文遊車河兼拍拖買草餅後，日前王晶另一新寵陳煒也被本報拍到與新歡在旺角拖手仔。前晚王晶在首映禮上被問到與陳煒的關係時，他說：「乜嘢都冇，啲人亂噏，呃你好衰嘅，大家只係純粹工作關係，因為佢簽咗畀蕭定一，大家係漢傳媒，所以陳煒先交畀我管。」
續問王晶會捧哪位晶女郎接棒時，他就說：「都會捧番啲內地嘅，遲啲開部《美女食神》，會搵劉洋（內地主持人），另外又會再拍《七擒七縱七色狼》，女主角都會搵內地演員。」
男友雙親缺席
楊思琦首次做電影女主角，可是前晚未見雙親及男友李泳豪前來撐場，思琦笑說：「男友有嘢做，而父母就會畀正常贈券。」她又謂以工作為主，故不擔心跟王晶會傳緋聞。問到若對方邀請她以性感女神形象演出，可會答應？思琦說：「接戲都係公司幫我接，佢哋會睇番適唔適合我。」
採訪：魯萍
攝影：仇志德
