劉偉強噚日接受商台電話訪問，對於電影《無間道風雲》導演馬田史高西斯捧走金球獎最佳導演獎時，點名多謝佢，劉偉強笑住話：「稍後會約馬田食飯恭賀佢，我冇睇到頒獎禮，但之後就不停接恭喜電話。」佢話目前喺美國傾緊有關海洋嘅新戲，未試過拍同水有關嘅古仔，好大挑戰，佢仲透露會將《傷城》嘅劇本賣去美國，相信成數都好高㖭。