「約好時間，一夠鐘就一人點一支煙，食完散。」本港全面禁煙半個月，煙民被迫在街上抽煙，但卻被非煙民指二手煙污染空氣。
煙民網友kkkil忍無可忍，近日在網上發起在銅鑼灣崇光百貨門口或旺角其中百老匯戲院外舉行快閃吸煙活動，日期雖未定，但行動目標明確，「被潔癖、偽善市民當外星人咁歧視的煙民們集合，搞一次吸煙活動，等大家關注吓！」
「會唔會無聊啲呀？啲人睇到會好無奈。」「銅鑼灣空氣已經好污濁，加埋你哋啲煙味更加污染，最好你話埋時間俾我知，我嗰日唔去。」連串反對聲中，loksiu卻認為「可以考慮喎，到時就知香港幾多煙民被欺壓。」benny更稱：「就算請假都必定會來。」
不過，冷靜的anisonng就指出「我都係食煙嘅，亦都對禁煙同政府討厭到極點，不過討厭還討厭，要去禮賓府門口食煙都冇問題，但係如果抗議行為影響他人嘅話，似乎過份咗，更可能被人告非法集會。」