放假成班老死山長水遠「貢」入沙田食雞粥，點知個個對住嚿雞「嚡嚡聲」！原本諗住掃興返歸，隔籬枱街坊食客報料，附近有間老字號排隊舖──牛橋泰國菜館！
牛橋老闆肥Paul話：「我哋喺大圍足有17年歷史！其實牛橋係泰國地方名，旺似香港女人街！」入到餐廳嚇咗一跳！樓面、廚房清一色泰國人，連落單都用泰文（好彩餐牌有中文，樓面都Talk得兩句）！「我哋做嘅係HomeFeel傳統泰菜，靈魂係香料同醬汁，我哋由一粒辣椒到所有香料、食材，都由泰國入貨！」
入口真係比一般泰菜館酸、辣、濃，Paul話：「泰菜特色係用香茅、辣椒一類酸辣香料『撞』出鮮味，唔重手不如唔好食！」
記者：朱崇德
咖喱炒辣蟹$110
1斤鮮肉蟹以咖喱快炒，蟹肉僅僅熟，咖喱汁辣住嚟甜。
辣椒膏炒蝦貴刁$50
做貴刁都唔「撈亂」嚟炒？個辣汁用泰式蝦醬加辣椒嚟整，好多客食完，辣到出唔到聲，所以分開上，等佢哋自己撈。
牛橋泰國菜館（26020170）
地址：沙田大圍積信街51號地下