因患精神病致未能工作的周文開剛獲分配公屋，但因家貧無力購買電熱水爐，希望有善心人協助，捐贈爐具給他使用。
56歲的周文開20多年前患上精神病，自此失去工作能力，「前妻突然精神病發，喺照顧佢過程中，影響到盤生意，自己又睇唔開，跟住情緒變得好差，經常覺得有人喺我耳邊講嘢、鬧我咁，疑心變得好大！」
露台無鋁窗寒風入屋
最終周文開被診斷患有抑鬱症及精神分裂症，需要入住青山醫院數月，出院後再難回復以往生活，「食住藥，就可以控制到個病唔發作，但一食藥，個人就昏昏沉沉，成日瞓，冇辦法做嘢！」
本應同病相憐的夫妻，卻因雙方情緒容易起伏突變，再不能同屋共處，周文開十多年前離婚收場，後來再娶，二人一直依靠微薄綜援金過活，數星期前他獲配公屋單位，卻無力購置家具，希望獲得善心人士協助，「最麻煩係冇錢安熱水爐，想沖熱水涼都唔得；露台又冇鋁窗，啲風係咁吹入屋好凍，瞓覺都難！」
蘋果日報慈善基金為減輕周文開生活上的不便，正安排撥款為其安裝電熱水爐。
捐款編號：C2249