香港大學土木工程系噚日向九位傑出人士頒授土木工程系榮譽教授席，以表揚佢哋喺專業服務、教學及研究上嘅成就。獲加許嘅人士包括國學大師兼中文大學新亞書院創辦人錢穆嘅女兒錢易；環境運輸及工務局局長廖秀冬等。冬冬本來就係港大嘅校友，而且仲多次返過學校做客席教授，所以今年獲得呢個名銜，係實至名歸。
至於身為國學大師嘅女，錢易就棄歷史選擇做水利專家，已貴為清華大學環境科學與工程系教授。問佢當年選擇讀水利有冇受父親影響，佢話冇，話爸爸好早就已離鄉別井，到咗香港創辦新亞書院，佢話讀水利係自己決定。錢教授話，佢同父親喺1981年時曾經在港重聚過，佢亦知道好多香港學生都要讀父親寫嘅書，係本港歷史課嘅必讀課本，講起都覺得感動。