地主=土地?

地主=土地?

好多後生仔都迷信,但對風水玄學就一知半解,有網友將土地和地主混為一體,用拜土地嘅香燭來供奉地主,究竟土地和地主有乜分別?土地和地主是兩位不同的神仙,土地係福德財神,又稱土地公、土地財神等,係掌管地區嘅神仙,可以稱為「區長」。古時以農業為主,人民視土地為寶,耕種後所得嘅錢叫「土地錢」,所以當時嘅人視土地為財神,供奉土地祈求每年農作物豐收。地主則是掌管家宅的陰神,具鎮宅、驅邪作用,可以話係一間屋嘅「守衞」。一個係管屋企,一個係管地,雖然兩個都有個地字,但完全唔同,記住唔好撈亂啦!

記者:區佩嫦

網址:http://www.discuss.com.hk/viewthread.php?tid=3182370&extra=page%3D2