巴西球王比利一向愛子心切，日前就專登請咗同負面新聞分唔開囝囝艾甸奴，做自己搞嗰隊波LitoralFC嘅青年隊教練！比利雖有假公濟私之嫌，但其實佢都諗過度過，因為囝囝加入球隊唔止教波咁簡單，仲要「以身作則」，作為一班細路嘅反面教材；比利希望旗下青年軍聽過囝囝經歷後冇咁易行差踏錯。不過熟還熟，艾甸奴都要過咗試用期先過關㗎！