呢排有好多藝人結婚，早前陳輝虹同音樂才女黃丹儀閃電結婚，歌手就有張繼聰同謝安琪大住個肚擺酒，同埋近期轟動全城嘅徐子淇同李家誠喺澳洲舉行豪華婚禮。數數吓成個娛樂圈都好多人排住隊結婚，認真可喜可賀。日前馮仁昭喺金鐘婚姻註冊處又發現多一個音樂人就快做新郎，呢位仁兄係前樂隊Zen成員、現年34歲嘅黃和興，佢嚟緊同任職文員、26歲嘅女友劉玉霞結婚。
獲世榮賞識
1995年出道嘅Zen由黃和興、鄭偉鴻、鄧明輝同埋關禮琛組成嘅，黃和興係主音，當年佢哋為人熟悉嘅歌應該係《Irememberyou》，可惜發展一般，之後仲冇晒影。不過葉世榮覺得Zen解散好可惜，所以就簽咗Zen嘅黃和興同鄧明輝組成九紫（PurpleNine）樂隊，再戰樂壇。
