案中被斬傷的情侶，以往多次投訴仍繼續光顧有關食肆，有心理學家認為可能與他們性格自大有關，「喺挑剔嘅過程中攞快感」。如食客過份挑剔，消委會及法律界人士均指出，任何食肆都有權拒絕招待，惟不能涉及歧視成份。
「肯投訴好過唔幫襯」
註冊臨床心理學博士羅志華指出，受傷男女愛投訴有關食肆品質，可能與他們性格自大有關：「佢哋唔係享受食嘢嘅過程，而係鍾意投訴，喺挑剔嘅過程中攞快感，有人受佢哋投訴，佢哋咪再去囉。」
餐飲聯業協會創會會長伍得良說，香港投訴文化盛行，以致愈來愈多人「乜都投訴一餐」，幸而食肆有權不招待被列為不受歡迎的客人。
至於如何應付這類食客，他說：「可以有禮貌咁同個客講，我哋試過都做唔到你嘅要求，不如你都係去邊兩間食啦。」
但立法會飲食界議員張宇人認為，「投訴完始終肯畀錢返嚟食嘅客人」是「好客」：「煮一碟餸經十幾個步驟，未必次次咁好食，個客肯投訴畀意見你改進，總好過佢唔鍾意食又唔話你知，然後以後唔幫襯。」
誣告食肆可判囚10年
消委會及法律界人士指在普通法之下，食肆東主有權拒絕招待部份客人，惟理由不可涉及歧視成份。律師鄧達明更提醒顧客，不要為貪小便宜，誣告食肆食物不潔，否則構成詐騙或勒索罪，一經定罪，最高可判監10年或14年。
飲食業者眼中奄尖食客
種類：品味奄尖
行徑：不論食物品質如何，仍不時投訴食物太鹹、太淡、太凍及不新鮮
種類：過份要求
行徑：指冷氣太冷，要求食肆關掉中央冷氣遷就
種類：着重賣相
行徑：曾有顧客因為侍應將匙羮放入蒸蛋中，令蒸蛋欠完整美觀而要求更換
種類：要求多多
行徑：到茶餐廳或大牌檔時，要求食肆提供五星級服務
種類：恃熟賣熟
行徑：恃自己是熟客，要求食肆大幅減免餐飲費
種類：刻意生事
行徑：不時因小故而大吵大鬧
種類：職業食客
行徑：蓄意在進食後，在食物內加入昆蟲屍體，然後勒索，要求食肆賠償
資料來源：綜合飲食業界人士