國際米蘭上周聯賽擊敗拖連奴3:1，戰果平平無奇，但伊巴謙莫域福至心靈地射入嘅第2球，至今仍為球迷津津樂道！當時，人人都以為伊巴食錯藥，係咪以為自己去咗武館，所以順手耍吓功夫；點知原來佢真係食過「夜粥」，仲係跆拳道黑帶㖭！有跆拳教練指，伊巴嘅動作根本就係使出跆拳招式！嗱，呢啲就係功夫足球，周星馳有接班人喇！