周汶錡如願扮夏萍

周汶錡最近為皮膚護理中心拍廣告，以中國娃娃、柯德莉夏萍、三十年代荷李活影星同埋艷光四射超級巨星嘅造型示人。咁多造型中，周汶錡最鍾意扮偶像柯德莉夏萍，佢仲話：「做模特兒好多造型都試過，但冇機會發揮佢嗰種高貴嘅氣質，今次大大滿足我嘅表演慾。」雖然馮仁昭冇見過大臉龐嘅柯德莉夏萍，但周汶錡着住黑色吊帶衫同拎起支煙，形態上都有幾分神髓嘅。