楊思琦和郭晉安主演的電影《雀聖3自摸三百番》將於本周四上映，與古天樂和劉若英的《生日快樂》打對台。由於《雀》片是楊思琦的第一部電影，故此她心情特別緊張，她說：「第一次拍戲，第一日開工就要同安仔拍咀戲，當時我嚇咗一跳，因為完全冇心理準備。」
買齊牙膏牙刷
由於事出突然，楊思琦拍攝完後才通知男友李泳豪，她笑說：「去到現場，工作人員已經準備咗香口膠畀我，但我想衞生啲，所以要求工作人員幫我買牙膏同牙刷。雖然我同安仔都係無綫同事，但畢竟唔係咁熟，所以一開頭未熱身就拍呢類場面，真係諗唔到，不過想深一層都好嘅，一開工就拍可以亁手淨腳，唔使再嘥時間投入。」
安仔和思琦從未合作過拍劇，反而電影撮合了他們。對於首天開工要拍親吻戲，安仔表示沒有尷尬，因為以前也拍過同類鏡頭，故拍攝當天，由他去協助思琦入戲，讓她可以放鬆下來。
