對命理一直較無知，以為男為陽女為陰，不過上網搵到個「陰年陰月陰日陰時出生」嘅Post，終於知道原來係有「三陰」和「四陰」人。喺命理學上，天干地支有陰陽之分，乙丁己辛癸呢五個天干為陰，而丑卯巳未酉亥呢六個地支亦屬陰，只要睇自己個出生年月日時係陰多定陽多，就知自己係「陰人」定「陽人」！舉例，1971年（辛亥）5月（癸巳）8日（癸巳）1am-3am（丑時）出世嘅人，年月日時都屬陰，呢位人兄就係「四陰」人，可以話係最勁嘅「陰人」，「陰人」會點？多「陰」嘅人命格比較易被邪靈騷擾，雖然理論上係咁，但都要配合自己個面相同運氣，若果面相有煞氣和當時時運高，咁邪靈都怕咗你啦！「四陰」人又如何！唔知自己的年月日係屬陰定屬陽，可以上呢個萬年曆網址度Check一Check（網址：http://galaxy.sun126.com/bbs/noncgi/images/rili.html）。
記者：區佩嫦
網址： http://www.uwants.com/viewthread.php?tid=3265777&extra=page%3D1