劉德華昨日接受商台電話訪問，對於陳慧琳（Kelly）嫌自己在《勁歌》奪獎太少，華仔指Kelly為人坦白，同時又讚賞楊千嬅當晚冇獎，仍坐足全晚態度可嘉。華仔表示以往歌手能夠出席頒獎禮，視作榮幸的事，但如今卻變成換獎工具，他說：「歌手未必咁諗，可能係唱片公司同經理人咁做。每個人都唔係聖人，我都會諗若果冇亞太區男歌手獎攞，會唔會好醜。」他又謂以往有「實至名歸」四個字見報，現在只得「造馬」兩字。
何超儀感同身受
何超儀昨日也現身商台宣傳新歌，對於Kelly指獎項要靠公司爭取，歌手努力也冇用，她感同身受說：「我比起好多當紅歌手，付出嘅努力乘三，我會認命，總之過程開心就算。」
此外，在剛過去的周六，《2006年度十大勁歌金曲頒獎典禮》平均收視只得26點，約169萬人次收看，相比去年的32點（約207萬觀眾收看）下降6點。
採訪：馬建華