行程嚟到第二日，同朋友拎住張ez-link卡搭SMRT同巴士周圍去，順便影吓風景同巴士相；到下晝見有啲肚餓，就決定喺ChinaTown（即係牛車水）附近搵正嘢食。不過講就係咁講啫，其實到最尾咪又係喺街邊一間大牌檔解決，真係諗起都好笑。飽餐一頓，繼續搭巴士周圍去，最正係搭到喺香港難得一見嘅普通巴士，一直搭到去JurongEast（裕廊東），雖然成個車程熱到我哋汗流浹背，但嗰種行車時涼風撲面嘅感覺，真係幾正㗎！
到咗夜晚，我哋再返番去牛車水，經過一個叫唐城坊嘅商場嗰陣，居然見到DaihatsuTerios同埋Materia（即日版Coo）擺咗喺商場入口！一看之下，發覺原來當地代理正進行Roadshow，而且仲可以$1坡紙出車㖭（即港幣$5），認真有噱頭！講番部車，佢其實係Daihatsu版嘅ToyotabB，個樣相同之餘，就連車廂內櫳都一樣；引擎則是1.5公升直4型號，馬力有76kW咁多，唔怪得部車會咁受歡迎啦。
記者、攝影：鄭達基