走高價茶餐廳路線的太興燒味，除了食品惹人垂涎，其餐牌竟然吸引賊人光顧！自開業以來已被人偷去逾300份餐牌，集團最近索性將餐牌明碼實價發售，另拓財源。
有網民日前發現太興的餐牌原來都有標價，像硬皮製作紫色封面的太興燒味餐牌，在封面左下角便註明：「如需本餐牌留念，請往收銀處購買，每本200元。」另有晚餐餐牌標價100元。
拍下照片的網民質疑：「估唔到太興竟然覺得自己嘅餐牌會有人買。」不過網民馬仔哥哥就說：「唔好講笑，我喺西灣河太興見過兩個外國人買。」
太興燒味營運總監何小鋒苦笑着說：「我哋開業初期餐牌冇標價錢，但好快就流失咗三分一，我哋好多謝大家支持，但小數怕長計，索性明碼實價，提供合法途徑畀擁躉買返本留念。」太興現時有26間分店，按每店40張枱計算，至今已被偷了逾300份餐牌，何小鋒笑說：「可能我哋餐牌設計得好靚啦！」