查小欣噚日喺電台節目又再次轉述狄波拉（左）同佢嘅對話，查小欣話佢問拉姑張栢芝（右）預產期係幾時，拉姑就話應該係8月，仲話結婚生仔好正常，唔係要神神秘秘，只不過大家都唔記得佢屋企有個儍佬叫謝賢，唔講只係想畀謝霆鋒兩公婆可以自由行街睇戲食飯。拉姑又話霆鋒好緊張，栢芝嘔就話要送佢去醫院吊鹽水，而農曆年一家人會返加拿大探阿嫲同斟茶畀佢飲。