男教師涉非禮23名男生，但因無人出庭作證而被撤銷控罪。身兼教協會長的教育界立法會議員張文光對案件感到遺憾。他指出，即使涉案疑犯逃過法律制裁，亦有途徑吊銷其教師資格：「只要呢件案嘅相關人士，包括學生、家長、學校，甚至教統局，肯向教師操守議會投訴同作證，而最終證實有人真係有咁做過，不論佢係檢定教師或核准教師都好，議會都可以向局方建議永久吊銷佢做教師嘅資格。」他稍後會要求教統局跟進事件。
被侵犯羞於啓齒
九龍城區家長教師聯會會長伍裕成表示，是否願意出庭作供視乎受害人勇氣，他不願推測學生集體拒絕作證原因，但希望校方可多留意有關新聞，日後招聘教師時可提高警覺。
臨床心理學家朱嘉麗表示，曾被性侵犯的小童或青年，因羞於啓齒及認為「自己錯晒」，大多不會主動將事發經過告訴他人，但對案中學生肯向校方投訴，學校報警求助，但最終仍不願出庭作供指證疑犯實感到難以理解：「佢哋唔係怕醜而唔出嚟指證當事人，否則都唔會爆出呢件事，我估係因為好多個原因加埋嘅巧合造成。例如家長唔想小朋友再諗番起件事、有人覺得阿sir都辭職就算啦等。」