【本報訊】now寬頻電視啓播後，一直不惜工本搶奪受歡迎的體育節目播映權，令有線飽受壓力，收費電視市場的廝殺局面將繼續升溫。有學者指出，有線今次欲踩入免費電視市場，有望帶來新商機，將對長期壟斷市場的無綫電視產生壓力，對亞視更是「致命一擊」。
「競投」要幾多畀幾多
now近年來不斷施以銀彈攻勢，殺得有線電視遍體鱗傷。now繼以逾10億天價從有線搶走英超聯足球賽播映權後，近期再奪去世界女排大獎賽的播映權，而now「競投」的過程更可謂不按章出牌，據悉負責人直接向對方表示：「你哋要幾多？我哋就畀幾多。」結果有線再失去一個王牌體育節目。
「個市場咁大，好值得爭。」中文大學市場學系教授冼日明指出，本港電視廣告收入每年近100億元，無綫佔逾七成，其次為亞視，其餘「餅碎」由有線與now等收費電視互相爭奪。有線轉戰免費電視市場勢將觀眾層擴闊，廣告收益必定有增無減，「觀眾就係資產，佢哋嘅名、地址同電話都好有用，可以聯絡得到。無綫、亞視就冇呢啲重要資料。」
他又指，有線開設變相免費台後，不難吸納數以10萬計的新客戶，「亞視收視得幾點，但1點已經係6.4萬人，非繁忙時間嘅挑戰會更加大。」