獅城車遊之二：
路線喺車門邊　咪失魂搭錯車

見到有新巴士出現，咁就梗係想即刻去試坐一下。之不過，新車所屬嘅SBSTransit，旗下絕大部份巴士嘅車頭都只顯示路線號碼，目的地則欠奉；就算有，都會顯示出兩邊目的地嘅地方名。搞到班遊客想搭巴士周圍去，都唔知搭邊條線至啱。好在同行朋友唔係第一次到新加坡，佢話其實喺每部巴士嘅上車門旁邊，都會放有一塊牌，內裏除咗有行走路線號碼外，仲會詳列前往目的地嘅名稱及途經街道，極唔明亦可以問車長，佢哋好樂意解答！
朋友仲話一到新加坡，最好即刻去SMRT客務中心，買番張等同香港八達通嘅ez-link卡，價錢為15新加坡元（約港幣$75），只要嘟一嘟，想去邊都NoProblem！但記住，不論搭巴士定SMRT，上落車均要嘟一次，否則隨時收你全程車費！