前晚無綫在美麗華酒店舉行《勁歌》慶功宴，除曾志偉及楊千嬅外，其餘歌手都有出席。側田前晚在《勁歌》頒獎禮得四獎，與劉德華及容祖兒齊做大贏家，他出席完無綫慶功後，便與經理人黃柏高及古巨基到跑馬地Alabar飲酒慶祝，基仔因昨天早班拍王晶新戲，故逗留15分鐘便離開，側田隨後扶着半醉Paco到銅鑼灣加州紅唱K，陳奕迅也在該處慶祝，其妻徐濠縈、楊千嬅、梁漢文及劉浩龍等也有到賀，楊愛瑾、陳苑淇及食白果兼缺席頒獎禮的許志安也離奇出現。
「十大都未必係好歌」
側田在慶功宴上接受訪問時談到緋聞女友楊千嬅食白果，他說：「有啲怪，佢值得攞金曲獎，佢今年好多好歌。不過頒獎禮10首歌都唔係真正代表市場聲音，應該搵卡拉OK搞top10，啲人鍾意唱先代表市場聲音，其實十大都未必係好歌，真係見仁見智。」
採訪、攝影：娛樂突發組