大企業幾時都應該負啲社會責任，好似中國移動咁嘅超級大國企，就更加應該！
最近，佢哋做咗樣好有意義嘅事，就係同教育部合作，響山西太原杏花嶺搞咗個「中國移動愛心圖書館」，前幾日仲舉行圖書捐贈儀式，實行電話同愛心一齊殺入農村。
唔送手電送圖書
中移動今次捐咗5000幾本圖書畀圖書館，根據呢個愛心圖書館計劃，佢哋諗住用3年時間，為中西部貧農村地區1000間中學，配置圖書同起埋圖書館，而分布中西部24個省分嘅344間農村中小學，就會陸續收到由中移動全額資助81.7萬本圖書，同埋中移動員工捐贈嘅青少年圖書同音像製品。
咁點解係捐圖書同埋起圖書館呢？應該係學者出身嘅領導人王建宙加上地方政府嘅意思囉！唔通捐流動電話咩？