今季希望爭英超聯前4名位置嘅保頓，前晚主場對曼城又有分落袋，打和0:0。但其實如果唔係客軍中場祖爾巴頓（J巴頓），比賽中一次離門兩碼射空門竟然失諸交臂，保頓都未必搶到1分。祖爾巴頓面對空門唔入，賽後被英國傳媒炮轟，謂之「世紀失機」，鬼叫呢位中場早前被捧到上天，又自稱可取代林柏特及謝拉特踢英格蘭國家隊，𠵱家有位重唔入你咩！