意乙球會祖雲達斯前晚0:1不敵曼托瓦，今季18場聯賽首次落敗，跨季45場聯賽不敗紀錄告終。不過睇番祖記有成8個正選因傷缺陣，就知道輸波係非戰之罪。現時少打1場嘅祖記雖然跌到第6位，但只係落後榜首拿玻里3分，升班形勢都仲好樂觀；祖記「粉絲」唯一擔心反而係該仗受傷嘅龍門保方，會唔會乘機嗌離隊，畢竟1月係高危月份嚟！