在家千日好，出門半朝難。she.com不少姊妹是「空中飛人」，頻頻出門令她們累積不少收拾行裝的貼士，帶齊傍身「五寶」，去邊都無煩惱。
阿肥稱必帶一罐西梅上機，「希望可以暢通啲。」Gigi注重衞生，最怕酒店不清潔，「帶卷廚房用紙巾kitchenpaper，用來鋪枕頭、代替毛巾，又可鋪洗手盆旁放自己物品，好有用。」自稱是天生賤骨頭的網友可能有潔癖，出門會有一小瓶滴露跟身；ss則認為其實用火酒已有足夠消毒效果。
長髮的Jun說出門必備風筒，「一來自己啲頭髮難打理，二來喺酒店成日叫人拎嚟先有得用好唔方便。我啲朋友話我拎風筒好誇張，到最後咪又係個個爭住借嚟用。」神婆認為上述都是身外物，身在異地最重要是心安理得，所以行李中一定要有塊白水晶。