鄧健泓雖然有個好親密嘅朋友仔李詩韻，就算去到北京拍劇，女方都特登去探班，但係佢喺香港病咗就冇人理。噚日鄧健泓去石硤尾出席「長者希望日2007」活動，就話日前患腸胃炎要入院。記者問李詩韻有冇陪佢入院，鄧健泓就亂晒陣腳，佢話：「我一個人入院，我哋只係好朋友關係，我唔否認佢有去探班，但喺機場畀記者影到就係一個湊巧啫！」