夜蒲無分年齡界限，40歲的鄧萃雯蒲起來都相當狠。前晚濃妝艷抹的雯女難得夜蒲，偕貌似吳耀漢的中年漢連踩兩場，雖然她比前發福不少，但心情依然勁high，與男伴到蘇豪區開餐撐枱腳後再蒲同志吧，玩到三更半夜也未肯返歸。
單身多時的鄧萃雯早前到加拿大拍攝無綫長劇《歲月風雲》時，移居當地的老友李婉華曾安排她相睇，不過雯女興趣不大，向來獨立的她還是靠自己，前晚她單獨與一名貌似吳耀漢的中年男士大蒲特蒲，忘形玩番晚。
誘人摸耳珠
雯女比前發福不少，身形圓潤兼現雙下巴，故前晚悉心打扮遮肥肉。染了一頭紅髮的她，化上濃妝，身穿啡皮褸配全黑衣物，比起平日的斯文打扮明顯野性，「老翻吳耀漢」同樣一身黑衣，與雯女襯到絕。
當時雯女和老翻吳耀漢到中環歌賦街Gough40餐廳撐枱腳，見雯女情緒高漲，全程說不停、笑不停，還不時做出摸耳珠的誘人小動作，令男方看得入神。二人於10時多結伴離開，雯女乍遇記者表現鎮定，更大爆老翻吳耀漢身份，她說：「佢係我形象顧問，今日我幫人哋影咗輯相，我哋賽後檢討，食飯傾番啲細節，之後我嘅形象都可能有啲變。」語畢她步往泊在街頭的座駕前，將手袋放進車廂後，即展開喪蒲序幕。
同志吧狂歡
雯女由老翻吳耀漢傍實到附近的melanfans同志吧，滿臉笑容的她邊行邊戴耳環，又向記者說：「我難得一日出嚟蒲，咁都被你哋撞到㖭。」有記者表示正好保護她，她笑說：「啱，等陣抄牌嘅話，hold住阿sir唔好畀佢抄住呀。」之後二人即擠進滿場男賓客的同志吧狂歡，至凌晨3時也未見露面。
其實雯女以前曾先後蒲過中環Propaganda和灣仔LesVisages兩間同志吧，實屬識途老馬，豈止「如妃」咁簡單？
採訪、攝影：娛樂突發組
