千嬅與鄭中基一段情結束後，至今還未找到另一個合意對象，問她是否情傷太重，現時無膽入情關？不離大笑姑婆本色的千嬅笑說：「你睇我個樣都知係唔識死嗰隻人啦！烈女點會冇膽闖情關？人生苦短，有得傷，總好過冇得傷，傷多十鑊都唔怕！問題係拍拖都要有時間同埋有啱feel嘅對象先得㗎！最起碼對方要唔驚閃光燈，因為啲狗仔隊無處不在。不過講乜都係假，𠵱家做到覺都冇得訓，邊有時間去拍拖。」
搞相睇呻老套
其實千嬅身邊有不少朋友關心她的終身大事，經常為她作媒，但她總是遇不到合眼緣的：「首先我想講，呢個世代仲搞相睇係幾老套，但我啲朋友成日話介紹新朋友畀我識，仲勸我試吓發展都無妨，但我覺得𠵱家唔係去超級市場試食，試唔啱就可以走，發展一段感情係需要時間同付出感情，𠵱家我簽咗新公司，邊有呢啲閒情，順其自然啦！」