電影嘅影響力有時大到得人驚，前排電視重播電影《黑超特警組》（MenInBlack）第1及2集後，在網上居然搵到一個投票討論，問大家信唔信有MIB嘅存在。個Post有八成人相信現實世界有呢個組織，仲有唔少人希望拎到嗰支失憶棒！咁究竟現實中有冇MIB呢？網友alice_ccy話睇過DiscoveryChannel節目，曾討論MIB，內容話有人見到UFO後，無耐就會有班黑色西裝友叫佢哋收聲，而個節目仲研究支失憶棒堅定流㖭，話啲光會對大腦有影響，仲可能真係做到失憶效果！Sorry！因為公事繁忙，我無睇過呢個節目，但上維基百科，打MenInBlack便出現以下解釋：「穿黑色西裝的美國某個政府秘密機構人員，他們經常使用騷擾和恐嚇的手段壓制UFO目擊事件，但政府對此事從未承認。」講老實，我都想成為MIB嘅一分子，用支失憶棒對付我啲仇人！
記者：區佩嫦
網址： http://www.discuss.com.hk/viewthread.php?tid=2893876&extra=page%3D1