劉曉彤上周順產誕下重6磅男嬰，她現正在家中坐月休養，由於要照顧愛兒，故暫時沒考慮復出拍劇。
首次做媽媽的劉曉彤表示感覺很特別，昨日她在電話中說：「好開心，屋企多咗個新成員，熱鬧咗。我𠵱家成日對住佢都唔悶，不過BB就成日掛住瞓，我始終係生手，好多湊仔經驗要慢慢學，好多嘢我都要親力親為，唔敢假手於菲傭。」
想五年抱三
問劉曉彤對初生愛兒有何期望？她說：「其實我要求好簡單，只希望佢可以開心、快樂同健康就夠喇。」劉曉彤又謂有意再生BB，並立下五年抱三大計，她說：「其實生BB都唔係咁辛苦，我又鍾意小朋友，等囝囝大啲會再生，仔女都冇所謂。」
採訪：BeverlyWong