前晚英超聯布力般流浪主場對阿仙奴，主隊「陰濕」中場沙維治喺比賽早段，就辣㷫阿仙奴中場基拔圖施華，搞到基拔圖施華又起囗又起腳還擊，卒之基拔圖施華被球證罰紅牌趕離場。沙維治此舉冇錯係幫球隊贏到人多打人少優勢，但球隊最後都唔爭氣，入唔到波不特止，重俾阿仙奴整兩粒，輸0:2，呢勻布力般流浪都可謂「奸有奸輸」嘞。