前晚讓陳慧琳呆坐全場的無綫《勁歌》頒獎禮，焦點繼續落在容祖兒和曾志偉的不和是非上，志偉不停以退為進寸祖兒，指她是自己最崇拜的歌手，又稱呼她作「祖兒姐」，祖兒則全程黑面兼故意背對志偉，把他當作隱形，不過最後祖兒得最受歡迎女歌星獎後，開心得擁抱志偉，化干戈為玉帛，但作為大會司儀的志偉事後罕有地缺席慶功宴，被指避祖兒。
祖兒在慶功宴上接受訪問時，談到整晚被玩，她替志偉說好話謂：「將心比己，做主持人好大壓力，大家將焦點睇佢點講說話，作為主持有好大責任令氣氛開心，可以令氣氛緩和何嘗唔好呢？」
「心中絕對冇嘢」
被問到為何全晚背對志偉？祖兒說：「唔係唔望佢，我幾日冇見記者，所以有少少怕醜同緊張。」是否已一攬泯恩仇？祖兒說：「人與人之間講緣份，可能呢排有咁多新聞，大家覺得好禍，但呢件事令大家距離拉近，我只睇好嘅方面，每個人心地都善良，我心中絕對冇嘢。」