換咗領隊或者教練通常有運行，蘇超班霸格拉斯哥流浪炒咗拿古恩，再搵番前領隊禾達史密夫嚟教之後，喺上個禮拜六場蘇超就大勝來訪嘅登地聯5:0，仲創出佢哋今屆最大比數勝仗。喺呢場波幫格流埋齋嘅，正正係同拿古恩有牙齒印嘅巴利費格遜，而巴利費格遜被拿古恩指佢名大於實，兼且做唔到隊長應有嘅責任，𠵱家就證明咗佢唔係冇料到啦。