八達通仿似已佔據了每個人生活中的重要部份，無論去到邊，一卡在手的確通行無阻。但女士摷銀包的確唔容易，每日喺地鐵站都見到太太們以手袋與閘機纏綿，不過後者通常唔會即刻領情，情形尷尬。女士救星今日終於出現，一條又靚又實用的八達通吊鏈掛飾出現，的確方便，美觀程度更引死不少OL！
記者：許維雅
攝影：陳盛臣
Model：Joey、黃阿珍
首創八達通吊鏈掛飾
如果搭地鐵過閘論盡，着得幾靚幾潮都係假。深深體會女士摷銀包搵八達通的煩惱，Thomas瞄準八達通吊鏈有市場，憑創意加勇氣，開設首間八達通吊鏈掛飾店。第一批八達通吊鏈以閃石、Swarovski水晶作賣點，全部BlingBling款式，無論高貴通花、Cutie公仔及簡潔圖形都不離搶眼閃石，一看便知主攻OL及貴婦市場。由於每件設計品都需要經八達通公司審批及測試，所以款式未算多，每款3隻色，每件生產200條左右。有多年珠寶設計經驗的Serena：「我一向喜歡EyeCatching及誇張嘅設計，遠一遠都可以望到，加上閃石一向受歡迎又襟興。不過，下一批會逐漸開拓客路，會設計啲較型格較Cool嘅款式。」
靚料玩高檔
兩人對首飾經驗豐富，自然希望創作的吊飾精益求精，結果選料都篩選了好幾十次，最後選用了意大利鍍金、日本水晶膠及Swarovski等貴價物料，一心向高檔市場路線進發。而原來申請做八達通配件唔容易，成本亦高昂，每條鏈要賣$699或$799，內置只有$10面值，價錢唔算親民。每條鏈有半年保用，如有失靈，人客可自行拿去地鐵客戶服務中心或回店舖維修。
投資過百萬
別小覷這八達通首飾生意，Thomas跟Serena異口同聲都話製作過程十分艱辛。而由於合約關係不能透露八達通牌照費的成本數目，但由起初打算用6位數字創業，及至現在投資過百萬，貨品貴得有理。Serena：「自己做開貴價珠寶，所以製作一向嚴格。但估唔到搞八達通飾物仲要嚴謹好多倍，第一批設計最後只有3分1可以出街。18K金唔用得、背面八達通字樣用雷射刻得唔夠深唔得、甚至店內八達通標誌牌放邊、用咩字樣都需要審核，當中大家來回嘅Paperwork真係幾本書咁厚。」成本愈滾愈大，以生意角度來說，貨品價格又的確唔可以平。
OL點睇？
日清杯麵八達通網上熱炒
市面上大部份八達通都是卡款，其實除了八達通錶外，立體八達通產品少之又少。日清杯麵上個月曾推出過這款十分可愛的杯麵八達通，連一支杯麵鉛芯筆套裝需要食6個杯麵加$138換購，頗受歡迎，短時間內已經換罄，上拍賣網更發現有人以$250至$350易手。不少朋友眼見記者手上這杯麵八達通都想擁有，可想而知有市場！
店舖查詢：LUMINEUX（23678880）
尖沙嘴加連威老道34至36號Gi商場1樓111號舖