以前千嬅父母都會為女兒的婚姻大事着急，但近年來雙親反而會憂心她的健康狀況，因為她由舊公司轉到新公司，工作一樣是排得密麻麻，已長期出現睡眠不足的情況：「我都唔知點解仲會有咁多嘢做，一日24小時都好似唔夠用，呢排除咗要為金牌欠下啲歌債錄最後一張碟外，又要同Eason（陳奕迅）拍新戲，真係冇停過，有時捱到病都唔敢講畀佢哋知，免得爹哋、媽咪擔心。」
錯爆阿媽愛Rain
曾在中、小學任教英文科老師的千嬅父親，一向對千嬅管教甚嚴，縱使女兒已經貴為紅歌星，但每當她做錯事，楊父一樣會毫不留情教訓：「有次我同記者講阿媽鍾意韓國歌星阿Rain，第日新聞出咗街，我就收到爹哋三個電話短訊，三個短訊都係鬧我嘅，其中一段有個英文字Lunatic，我都唔識解，後來要搵人幫我查字典先知爹哋鬧我係瘋癲嘅儍子，鬧得咁行，事後我要同父母道歉。」
攝影：林德雄