張藝謀為鞏俐捱打？

最近新浪網張貼咗一單題為「張藝謀曾被鞏俐男友打斷腿」嘅文章，內容話鞏俐（圖一右）同張藝謀（圖一左）當年因拍電影《紅高粱》撻着，俾鞏俐拋棄嘅男友怒打張藝謀，扯佢頭髮之餘仲將佢毒打至腿骨折斷。寫呢段文章嗰位仁兄仲貼咗張藝謀當年瞓喺山東高密縣人民醫院養傷嘅相（圖二）。馮仁昭記得89年張藝謀拍《秦俑》嗰陣發生車禍，但佢當時個造型同張相又唔係好似，究竟件事係點，真係無從稽考。