呢個星期,唔使諗,中國足球先生鄭智登陸英超。今晚在查爾頓主場迎戰米杜士堡,佢或者有機會出場,如果佢上場,我當然瞓身支持查爾頓贏!
早喺日、韓世界盃時,當然相當年輕嘅鄭智,喺國內已頗有名氣,雖然我覺得外國球隊買中國球員只有一個原因──開發中國市場。但直至亞洲盃,睇完佢踢波之後,先覺得英超球會太遲買佢啦!
睇番今晚查爾頓場波,佢哋目標明確,足總盃早已放棄,一心為護級而戰。論人腳,查爾頓今季無乜變動,成績咁差,只因為開季開得差,睇番上季,佢哋就威水,頭幾場有贏無輸,仲係榜首㖭!我只希望鄭智,呢位可以打前、中、後嘅國腳,顯顯身價!此外,我繼續追布力般;今晚佢哋對住阿仙奴,兩隊狀態都咁好,我會小注冷敲主勝,大注要入球「大」,真係五五波,我無乜信心,但兩隊進攻能力唔使擔心,一於要入球「大」啦!
周鵬
商業1台《球迷集中贏》主持
電郵:[email protected]