以前啲電影老行尊成日話啲寶島女星厲害，最識𠱁老細，不過關仁就話啲內地女星先係最勁，早排某娛樂集團喺北京搞咗個新年派對，請咗唔少內地、香港同台灣嘅娛樂公司老闆、高層同紅星出席，做過《三成》嘅內地才女女星「嘈雷」真係好識做人，唔怪得佢連寶島靚女「護舒寶」都可以打低，搶到喺部大片做女主角。
關仁有個老友都有份去呢個派對，佢見到嘈雷喺場入面，一見到「肥嘟嘟老闆」就好似執到金咁，係咁黏住人唔放，其他內地女星如「冷冰冰」、「凍冰冰」想行近打個招呼都唔容易。嘈雷冧完老細後，又對住「長毛導演」大拋媚眼。關仁真係唔明，咁有才華嘅演員點解要用呢啲手段嚟上位！
Textby關仁
