又係DVD《霍元甲》？出咗啦！無錯，但今次是導演版，播足141分鐘，多咗楊紫瓊推介武術做奧運比賽項目和李連杰跟泰國拳皇對打一幕。新版仲要係HD母帶拷貝，就算無高清電視，畫面質素都靚好多，淨睇農田和水色靚景都抵喇。
記者：馬靜兒
戲裏話霍生好色，曾惹來霍元甲後人不滿，仲有官司事件，最後都告唔入，睇番呢幾幕，其實唔係太過份，君子好逑嘛。戲中有很多擂台打鬥場面，由天津打到上海，片中格鬥者不是普通演員，有奧運輕量級拳擊比賽金牌得主、德國劍術家、世界搏擊錦標冠軍及世界摔角巨星，咪話唔認真！
跟泰國拳皇對打
霍元甲在農村避世時，因為要救一個細佬，同泰國拳皇森萊金星對打，打贏了，才重拾武術的意義。
打得好認真
其實其中幾場跟鬼佬對打的場面，好值得觀眾回味，有點令人想起未發售的PS3Game《VirtuaFighter5》。
苦情眼淚位
有甚麼慘得過禍及親人，因與人結怨，賠上母親和女兒性命。
HD母帶拷貝 線條好清楚
今次《霍元甲》用咗HD母帶拷貝，所以畫面清晰度好高，雖然未及HDDVD，但比一般DVD顏色更靚，線條清楚，特別係動作場面，唔會有格仔爛畫面。
主題曲唔掂
戲中的杜比數碼立體聲、背景音樂都很震撼，但周杰倫唱的主題曲，完全貫徹的佢啲HIP-HOP風格，唱得哼哼唧唧，得罪講句，都係聽唔到佢唱甚麼。
碟內無任何BonusTrack，只例牌收錄電影製作過程、導演及演員介紹和相片集，但好似行咗啲喎，無大驚喜！
故事
霍元甲（李連杰）醉心武術，小時候因一次被人打敗，立志不可成為失敗者，雖然打至得天津第一，但因鋒芒太露更變得好勇鬥狠，更累及母親與女兒送命，故遠走他方，隱姓埋名於村落，獲失明少女月慈照顧。一天，他為救小孩阿貴而露身手，重拾對武術的思考，決定回天津重找新方向；他發揮了自強不息的精武精神……一場擂台上的世紀之戰開始。
DVDPRO（23326326）
