韓劇《宮》嘅二王子金楨勳雖然冇份拍SE7EN嘅《宮S》，但fans唔使太擔心，因為勳弟終於宣布3月會拍攝新劇《魔女Yuhi》，扮演事業心好強嘅整容外科醫生，女主角暫定韓佳茵。講開嚟緊嘅韓劇，早前宋承憲同崔智友都話會有新劇出，但佢哋日前否認呢件事，一切有待下月公布喎。啲韓星咁舉棋不定，我哈利仔都係等睇5月首播嘅裴勇俊《太王四神記》！