韓國新人王李準基、南相美同鄭京浩，日前喺韓國國家情報局拍攝劇集《狗與狼的時間》嘅宣傳海報，今次係當局首次借出內部機密地方拍劇，令三位主角覺得好光榮。劇集講述李準基扮演嘅情報局人員，為瓦解犯罪組織而成為卧底，被迫同愛人、好友分開，雖然新劇現階段未決定喺邊個電視台播出，但暫定今年6月首播。