廉政公署日前拘捕港台一名女DJ同一名節目主任，據知其中一人係二台DJ彭晴（圖），佢俾廉署懷疑喺幾年前串謀他人，用親友名義申領合共數萬元嘅服務費。噚日彭晴照常開咪，同事周國豐話一朝早都有見到彭晴，覺得對方冇任何異樣，亦冇收到指令話彭晴要停工。至於另一位DJ李志剛就話相信彭晴唔會為咗少少錢呃人。