最赤裸一面被無數人看過、歷盡滄桑的舒淇比誰都看得開。前晚她往中環出席一酒店泳池開幕活動時，被問到初出道時拍的三級片艷照今在韓國網上廣泛流傳，她聽後不慍不火，指這件事每年都有一樁，更自嘲既然無法買斷版權，不如再拍一齣新的。
舒淇、鍾麗緹、王敏德及AmandaStrang等，前晚到中環出席置地文華酒店泳池開幕活動，舒淇以一身紫色YSL新裝示人，大晒滑溜玉背。她表示很喜歡浸spa，因為可以幫助血液循環，令人更漂亮，問她不擔心被偷拍嗎？舒淇就說：「都冇辦法㗎啦，小心啲囉，去到外國好似日本咁，我一定會試吓露天風呂，個景咁靚唔通齋睇咩？」
「係成長一部份」
舒淇主演的韓片《我老婆係大佬3》早前在當地上映，與此同時，她初出道時拍下的艷情片裸照也迅速在當地網上流傳，前晚舒淇被問到此事時表現極為平靜，她說：「每年都有一次㗎啦，我冇後悔拍過呢啲戲，唔係咁我今日都唔會喺度啦，係成長經歷嘅一部份。」有指她欲出價買斷這批舊作版權，舒淇表示：「冇得買斷。」然後自嘲說：「不如我拍過部新㗎啦。」
07年新開始，問舒淇今年是否希望行桃花運？她說：「唔係話有就有，我一向桃花旺，但係都要睇係好定壞。」可是問到早前有傳黎明在馬爾代夫向樂基兒求婚一事時，其助手未待舒淇回答已拉走她。
百萬整容嫌奀
同場另一嘉賓鍾麗緹透露其女子組合已齊班，希望在今年內推出唱片。談到吳文忻收百萬酬勞赴韓整容一事，鍾麗緹說：「100萬太少喇，1,000萬美金我都會考慮吓嘅。我睇過DiscoveryChannel一個講整容節目，整咗容對演戲會有影響，面部肌肉僵硬晒，好sad嘅表情做唔到。」
採訪:梁錦雯
攝影:林德雄
