利物浦喺周二聯賽盃大敗一場，禍不單行嘅係智利翼鋒麥克干沙利斯受傷，至少要唞到月尾，而另一隻翼路爾斯加西亞更獲證實提早收「咧」，亦即係話佢將無法喺歐冠盃倒戈迎戰巴塞隆拿，球隊今次真係雪上加霜！雖然紅軍仲有奧利里奧、賓納、懷斯等可司職翼鋒位置，但隊波近期戰績咁沉，𠵱家少埋兩名奇兵，我求大俠都唔敢睇好佢哋前景呀！