蘇超球會福柯爾克近期頻頻傳出新聞，繼從阿仙奴借來嘅前鋒史杜基斯，喺聯賽發圍成功後，今鋪佢哋食髓知味，希望繼續打英超小將主意，剛剛就借得名將之後、年僅20歲嘅曼城後備門將卡斯柏舒米高！卡斯柏係丹麥鋼門舒米高之後，前者亦順理成章地子承父業做龍門，假如福軍「重施故技」令此子成名，話唔定第日成堆𡃁仔飛撲湧埋嚟都似！