雖然新特蘭新簽入史杜基斯，但未必可即時融入球隊，周六喺英冠迎戰近況唔錯嘅葉士域治，新特蘭未必贏得之餘亦唔慌多波入，波膽吼1:1。同日英甲賽，諾定咸森林可望輕取伊奧維，取2:0熱膽。
森林靠得住再追
照睇史杜基斯應該有一定份量，但一隊波突然空降一件猛將，短期內可能有反效果，淨係聽史杜基斯加盟後，基斯布朗勢被迫遷，士氣或多或少有影響。查實新特蘭本身攻力唔強，對住近況幾平穩嘅葉士域治，有好濃嘅「細」味，1:1值得一試。
上次博中諾定咸森林喺英足盃砌低查爾頓，同呢隊波有緣，無理由唔追。筆者始終信唔過伊奧維嘅作客成績，話唔定近兩場客勝係假象。諾定咸森林今季開個5次2:0熱膽，有數據支持追得過。
法甲朗斯和里爾1:1，咪話我話，齋睇戲碼都覺得係和波，尤其係里爾守力靠得住。歇冬後兩支前列份子交鋒，大家未熱夠身，和波亦係合理戰果。波膽4串15可拖葡超國民隊小勝布拉加1:0，原因係信數據，近年兩軍交鋒，成日由主隊贏呢個波膽。
文：藍鑽石